Laxasteik með kúrbítssósu

Hráefni

» 1 kg laxaflak

» 3-4 msk. matarolía til steikingar

» salt og pipar

» Kúrbítsrjómasósa með laxi

» 2 stk. kúrbítur (zucchini)

» 150 g reyktur lax

» 4-5 dl rjómi

» 2-3 msk. maizenamjöl eða sósujafnari

» salt og pipar

Fyrir 4

Aðferð

Beinhreinsið og snyrtið laxinn, skafið hreistrið með beittum hníf. Skerið í fjórar 200 g steikur. Steikið síðan á roðhliðinni þar til roðið er stökkt. Snúið þá við og snöggsteikið, stingið síðan í 200°C heitan ofn í 8-10 mínútur. Kryddið með salti og pipar. Berið fram með kúrbítsrjómasósu með reyktum laxi.

Skerið kúrbítinn í sneiðar og reykta laxinn í strimla. Setjið kúrbít ásamt rjóma og reyktum laxi á pönnuna og látið suðuna koma upp. Jafnið með sósujafnara. Kryddið með salti og pipar.

Vel hentar að bera fram með þessu smáar, soðnar kartöflur. Reiknið með 3-4 stk. á mann. Einnig er gott er að borða með réttinum steikt laxaroð sem hefur verið afhreistrað.

Laxinn afhreistraður með beittum hníf.