Lax með edikssósu, sesam og sveppum

Hráefni

» 800 g laxaflök, snyrt og beinlaus

» 3-4 msk. matarolía til steikingar

» salt og pipar

» Meðlæti

» 10 stk. vorlaukur

» 400 g blandaðir sveppir

» 3-4 msk. olía

» salt og pipar

» Sinnepsedikssósa (vinaigrette)

» 3 dl rauðvínsedik

» 5-6 msk. púðursykur

» 2-3 dl matarolía

» 2-3 msk. Worchestershiresósa

» 3-4 msk. sesamfræ

» 2 msk. sterkt sinnep

» salt og pipar

Fyrir 4

Aðferð

Beinhreinsið og afhreistrið laxinn. Skerið í flökin þannig að úr verði fjórar 200 g steikur, skerið þær niður að roði en látið hanga saman. Steikið í heitri olíu í 4-5 mín. Snúið af og til, kryddið með salti og pipar. Berið fram með steiktu grænmeti og edikssósu og laufsalati.

Skerið grænmetið niður, steikið í heitri olíu, bragðbætið með salti og pipar. Skiptið á diska, leggið laxastykkin ofan á og sósuna í kringum.

Brúnið sesamfræin á heitri, þurri pönnu. Blandið saman við önnur efni og hrærið hraustlega með pískara eða í matvinnsluvél.

Eikarlaufssalat hentar vel með þessum rétti. Rífið gróft eikarlaufshaus og blandið saman við sneiddan rauðlauk. Sinnepsedikssósan hentar einnig vel með laufsalatinu.

Skerið rákir í roðið.