Silungur með beikoni og spergilkáli

Hráefni

» 8 stk. silungsflök með roði (u.þ.b. 100 g hvert)

» 3-4 msk. matarolía til steikingar

» salt og pipar

» Meðlæti

» 100 g beikon í strimlum

» 2 hausar spergilkál (400 g alls)

» 3-4 msk. matarolía

» 4-5 dl rjómi

» salt og pipar

Fyrir 4

Aðferð

Beinhreinsið silungsflökin ef þurfa þykir. Steikið í heitri olíu í 2-3 mínútur á hvorri hlið. Kryddið með salti og pipar. Berið fram með beikoni og spergilkáli í rjómasósu.

Sjóðið spergilkálið í léttsöltu vatni í 3-4 mín. Látið renna vel af því og skerið niður. Snöggsteikið beikonið í heitri olíu, bætið spergilkáli út í ásamt rjómanum. Sjóðið þar til rjóminn þykknar, bragðbætið með salti og pipar. Setjið hluta af sósunni á disk, leggið annað silungsflakið ofan á, afganginn af meðlætinu þar ofan á og síðara flakið efst.

Berið einnig fram smáar, soðnar kartöflur, 3-4 stk. á mann.