Stórlúða með steiktu greipaldini og grænmeti

Hráefni

» 800-1000 g stórlúða (með roði), fjórar steikur

» 3 msk. matarolía til steikingar

» salt og pipar

» Steikt greipaldin með grænmeti

» 2 stk. greipaldin, rauð

» 250 g sykurbaunir

» 1 stk. agúrka

» salt og pipar

» 2 msk. matarolía

» 150 g smjör

Fyrir 4

Aðferð

Steikið lúðustykkin í heitri olíu, kryddið með salti og pipar og stingið í 200°C heitan ofn í 8-10 mín. (eftir þykkt stykkjanna). Berið fram með steiktu greipaldini og grænmeti. Leggið lúðusteikurnar ofan á meðlætið.

Flysjið greipaldinin og skerið í lauf. Flysjið agúrkuna og skerið í sneiðar (með ostaskera). Snöggsteikið sykurbaunir í heitri olíu á pönnu, bætið smjöri á pönnuna og bræðið. Setjið greipaldin og agúrku út í og hitið vel í gegn. Kryddið með salti og pipar eftir smekk.

Berið gjarnan fram með soðnum, smáum kartöflum. Reiknið með 3-4 stk. á mann.