Stórlúðusteik með beikoni

Hráefni

» 800-1000 g stórlúða (fjórar steikur)

» 8-12 stk. beikonsneiðar

» 3-4 msk. matarolía til steikingar

» tannstönglar

» Perlulaukur og sveppir í rjómasósu

» 2-3 msk. matarolía

» 200 g sveppir

» 300 g perlulaukur

» 1-2 tsk. rósmarín

» 4-5 dl rjómi

» 3 msk. maizenamjöl eða sósujafnari

» salt og pipar

Fyrir 4

Aðferð

Roðflettið og snyrtið lúðusteikurnar. Skerið í kótilettur. Vefjið beikoni utan um og festið með tannstönglum. Snöggsteikið í heitri olíu, bragðbætið með salti og pipar. Setjið í 200°C heitan ofn í 8-10 mínútur. Berið fram með steiktum lauk og sveppum í rjómasósu.

Skerið perlulaukana í tvennt og sveppina í sneiðar. Brúnið laukinn og bætið síðan sveppunum á pönnuna. Hellið rjómanum út á og kryddið með rósmarín. Hleypið suðunni upp. Jafnið sósuna með sósujafnara, bragðbætið með salti og pipar og sjóðið í 1-2 mínútur.

Berið fram með soðnu pasta. Sjóðið 200-250 g fyrir fjóra fullorðna.

Beinið fjarlægt.

Lúðusteikin roðflett ...

... og vafin beikoni, festið með tannstönglum.