Rauðspretta með kóríander og soja

Hráefni

» 800 g rauðsprettuflök, roðflett og beinlaus

» 2 dl vatn

» 1 tsk. salt

» safi úr 1/2 sítrónu

» Meðlæti

» 3 stk. rauðlaukur

» 200 g spínat

» 3 msk. olífuolía

» salt og pipar

» Kóríander- og sojasósa

» 2 dl hvítvín, óáfengt

» 2 dl soja, sæt

» 2 msk. appelsínumarmelaði

» 6 msk. kóríanderlauf, söxuð

Fyrir 4

Aðferð

Blandið vatni, salti og sítrónusafa á pönnu, látið suðuna koma upp. Brjótið rauðsprettuflökin saman til helminga, sjóðið á pönnunni undir loki í 8 mínútur. Berið fram með steiktum rauðlauk og spínati og kóríander- og sojasósu; setjið fiskinn efst.

Saxið rauðlauk og spínat, snöggsteikið í ólífuolíunni og kryddið með salti og pipar.

Blandið öllum efnum saman í pott, sjóðið í 1-2 mínútur. Hellið yfir fiskinn þegar hann er borinn fram.

Berið fram með soðnum, smáum kartöflum. Áætlið 3-4 stk. á hvern fullorðinn.