Rauðspretta með mozzarellaosti

Hráefni

» 800 g rauðsprettuflök, roðflett og beinlaus

» 3-4 msk. matarolía til steikingar

» salt og pipar

» 100 g mozzarellaostur, rifinn

» Sveppa- og hvítlaukssoðsósa

» 350-400 g sveppir

» 4 stk. risahvítlauksrif

» 3 msk. ólífuolía

» 2 dl mysa

» 2 dl kjúklingasoð (vatn og teningur eða kraftur)

» 1 msk. sítrónusafi

» 1 msk. salvía

» salt og pipar

» 2 msk. maizenamjöl eða sósujafnari

Fyrir 4

Aðferð

Leggið rauðsprettuflökin saman, eitt og eitt í einu, og snöggsteikið á báðum hliðum. Kryddið með salti og pipar. Stráið mozzarellaosti yfir og stingið í 200°C heitan ofn í 8-9 mín. Berið fram á sveppa- og hvítlauksjafningi.

Sneiðið sveppi og hvítlauk, steikið í olíu. Hellið mysu, kjúklingasoði og sítrónusafa saman við og látið suðu koma upp. Kryddið með salvíu. Þykkið með maizenamjöli eða sósujafnara og sjóðið áfram í 1-2 mín. Bragðbætið með salti og pipar.

Berið fram með bökuðum kartöflum. Áætlið eina bökunarkartöflu á mann, ofnbakið við 180-200°C í 50-60 mínútur.