Rauðspretta með gráðaosti og lauksósu

Hráefni

» 800 g rauðsprettuflök, roðflett og beinlaus, í 100 g stykkjum

» Kjúklingafars

» 100 g kjúklingakjöt

» 1 stk. eggjahvíta

» 1 dl rjómi

» 60 g gráðaostur

» Tómatsalat

» 4-6 stk. tómatar

» Lauksósa

» 6 stk. skalotlaukur

» 2 msk. matarolía

» 3 dl rauðvín, óáfengt

» 3 dl kjúklingsoð (vatn og 1/2 Knorr-teningur)

» 4 msk. graslaukur

» 2-3 msk. maizenamjöl eða sósujafnari

Fyrir 4

Aðferð

Rauðsprettan brotin saman til helminga (þannig er komið í veg fyrir að hún ofþorni við eldun) og sett í eldfast mót.

Maukið kjúklingakjötið ásamt eggjahvítunni í matvinnsluvél. Bætið rjómanum saman við, bragðbætið með salti og pipar. Skiptið maukinu á fiskstykkin ásamt bita af gráðaosti. Ofnbakað við 180°C í 12-15 mín.

Sneiðið tómatana og þekið diskana með sneiðunum. Leggið síðan lúðustykkin ofan á.

Saxið skalotlaukinn og brúnið lauslega í matarolíunni. Bætið rauðvíni og kjúklingasoði saman við, sjóðið í 1-2 mínútur. Þykkið með maizenamjöli eða sósujafnara. Setjið sósu yfir rauðsprettustykkin og tómatsalatið þegar rétturinn er borinn fram.

Berið fram með soðnum kartöflum pasta, soðnum hrísgrjónum eða fersku salati.