Rauðspretta með lauk og sveppum

Hráefni

» 800 g rauðsprettuflök, roðflett og beinlaus

» Meðlæti I

» 200 g sveppir

» 2 stk. laukur

» 3 msk. matarolía

» 1 msk. smjör

» Meðlæti II

» 2 msk. matarolía

» 2 stk. laukar

» 3 stk. gulrætur

» 20 stk. sykurbaunir

» 2 dl hvítvín, óáfengt

» 3 dl kjúklingasoð (vatn og

» 1/2 Knorr-teningur)

» 2 stk. tómatar

» 4 msk. steinselja, söxuð

» 1-2 msk. maizenamjöl eða sósujafnari

» 4 stk. savoykálblöð (eða annað blaðsalat)

Fyrir 4

Aðferð

Leggið rauðsprettuflökin tvöföld (saman brotin) á smurða ofnplötu. Ofnbakið með meðlætinu við 200°C í 8-10 mínútur.

Saxið lauk og sveppi, brúnið í olíunni, bætið smjörinu út á pönnuna. Setjið maukið ofan á rauðsprettuflökin og stingið í heitan ofn.

Skerið gulræturnar í örfína strimla, saxið lauk og sykurbaunir. Snögghitið matarolíuna og léttbrúnið lauk, gulrætur og sykurbaunir. Hellið hvítvíni og kjúklingasoði á pönnuna, sjóðið í 2-3 mínútur. Þykkið með maizenamjöli eða sósujafnara. Bætið steinseljunni út í.

Fjarlægið stilkinn af savoykálinu, sjóðið laufin í léttsöltu vatni í 4-5 mín. Búið til kramarhús, fyllið með grænmetismaukinu og bakið ásamt rauðsprettunni.

Gróft brauð hentar vel með þessum rétti.

Stilkurinn fjarlægður úr savoykálinu.