Rauðspretta með grænmetisstrimlum

Hráefni

» 800 g rauðsprettuflök, roðflett og beinlaus

» 3 msk. olía

» salt og pipar

» Meðlæti

» 2 msk. matarolía

» 2-3 stk. gulrætur

» 4 stk. belgbaunir

» 1/2 stilkur blaðlaukur

» 100 g sykurbaunir

» 4 blöð savoykál (eða annað blaðsalat)

» 1-2 dl kjúklingsoð (vatn og teningur eða kraftur)

» 1 msk. rósmarín

» 1 msk. sítrónusafi

» salt og pipar

» Sósa

» 6 stk. skalotlaukar

» 2-3 msk. matarolía

» 1 dl hvítvín, óáfengt

» 1 dl kjúklingasoð (vatn og teningur eða kraftur)

» 3 dl rjómi

» 50 g smjör

» 1-2 msk. maizenamjöl eða sósujafnari

Fyrir 4

Aðferð

Brjótið hvert rauðsprettuflak í tvennt og steikið á báðum hliðum í heitri olíu. Ofnbakið síðan við 200°C í 8-10 mín.

Fjarlægið stilkana úr savoykálinu og sjóðið í 4-5 mín. í léttsöltu vatni. Fletjið kálið á diska. Saxið grænmetið smátt eða í strimla, snöggsteikið í olíu. Bætið kjúklingasoði, rósmarín og sítrónusafa á pönnuna, sjóðið alveg niður. Bragðbætið með salti og pipar ef þurfa þykir. Leggið rauðsprettuflökin á kálið og grænmetið í kring.

Steikið laukinn í olíunni, brúnið ekki. Bætið hvítvíni og kjúklingasoði á pönnuna, sjóðið í 1-2 mín. og bætið þá rjómanum saman við. Þykkið með maizenamjöli eða sósujafnara og pískið síðan smjörið saman við áður en sósan er borin fram.

Gróft brauð hentar vel með þessum rétti.