Rauðspretta með kjúklingafarsi

Hráefni

» 600-800 g rauðsprettuflök, roðflett og beinlaus

» Kjúklingafars

» 100 g kjúklingakjöt, magurt

» 1 stk. eggjahvíta

» 1 dl rjómi

» 3 msk. matarolía

» salt og pipar

» Meðlæti og sósa

» 8 stk. skalotlaukar

» 4 stk. belgbaunir

» 200 g sveppir

» 3 msk. matarolía

» 2 dl rauðvín, óáfengt

» 1 dl kjúklingasoð (vatn og teningur/kraftur)

» 1/2 tsk. oregano

» 1 msk. sítrónusafi

» 2 dl rjómi

» 1 msk. maizenamjöl eða sósujafnari

» 4 msk. steinselja, fersk, söxuð

Fyrir 4

Aðferð

Maukið kjúklingakjötið í matvinnsluvél ásamt eggjahvítunni. Bætið rjómanum út í ásamt salti og pipar. Smyrjið maukinu á rauðsprettuflökin og leggið þau síðan saman. Snöggsteikið á báðum hliðum og ofnbakið við 200°C í 15 mín.

Skerið lauk og belgbaunir í strimla, léttsteikið í olíunni, brúnið ekki. Bætið öðru grænmeti saman við og látið krauma í eina mínútu. Bætið þá rauðvíni, kjúklingasoði, kryddi og sítrónusafa á pönnuna. Sjóðið í 2-3 mínútur, hellið þá rjómanum út á og jafnið með maizenamjöli eða sósujafnara. Setjið á diska undir rauðsprettuflökin og stráið steinselju yfir.

Berið fram soðið pasta með þessum rétti. Reiknið með 200-250 g fyrir fjóra fullorðna.

Rauðsprettuflökin roðflett ...

... og snyrt.

Leggið saman utan um fyllinguna.