Humarhalar með engifersteiktu grænmeti

Hráefni

» 800 g humar, skelflettur

» 2 msk. smjör

» 3-4 msk. matarolía til steikingar

» salt og pipar

» Engifersteikt grænmeti

» 8 stk. belgbaunir

» 1 bakki smámaís

» 2 hausar spergilkál (300 g)

» 1 bakki blandaðar baunir, spíraðar

» 80 g sykurbaunir

» 2-3 msk. engifer, saxaður

» 6 stk. hvítlauksrif, söxuð

» 1-2 dl kjúklingsoð (vatn og teningur/kraftur)

» 1-2 msk. sítrónusafi

» 100 g smjör

» 3-4 msk. matarolía

Fyrir 4

Aðferð

Snöggsteikið humarinn í matarolíu og smjöri, bragðbætið með salti og pipar. Leggið ofan á engifersteikta grænmetið og berið fram heitt.

Skerið belgbaunir, maís, spergilkál, baunir og hvítlauksrif smátt, engifer mjög smátt og snöggsteikið allt í olíu á vel heitri pönnu. Kryddið með salti og pipar. Bætið kjúklingasoði og sítrónusafa saman við og sjóðið alveg niður. Bætið þá smjörinu saman við.

Berið gjarnan fram með soðnum, hvítum hrísgrjónum. Reiknið með 2-3 dl fyrir fjóra fullorðna.