Lambakótilettur með eplum og grænpiparsósu

Hráefni

» 1200 g lambakótilettur

» 1 msk. grænn pipar (piparkorn)

» 2 stk. epli

» 1 stk. rauðlaukur

» 1 tsk. rósmarín

» 150 g sykurbaunir

» 1 msk. sykur

» 2 dl kjúklingasoð (vatn og Knorr-teningur)

» 3 msk. matarolía

» 30-40 g smjör

» salt og pipar

» Meðlæti

» 4 stk. bökunarkartöflur

Fyrir 4

Aðferð

Steikið lambakótiletturnar á báðum hliðum í heitri olíu í 3-4 mín., bragðbætið með salti og pipar. Haldið heitum í 150°C heitum ofni.

Flysjið eplin, fjarlægið úr þeim kjarnann og skerið í báta. Setjið grænan pipar, epli, sneiddan lauk, krydd og sykurbaunir á pönnuna, stráið sykrinum yfir og brúnið. Bætið kjúklingasoði og smjöri á pönnuna, hitið í gegn og berið fram með kótilettunum. Bragðbætið með salti og pipar ef vill.

Bakið kartöflurnar við 180-200°C í 45-60 mínútur eftir stærð.