Lambakótilettur með rifsberjasósu

Hráefni

» 1200 g lambakótilettur

» 3 msk. matarolía

» salt og pipar

» Rifsberjasósa

» 100 g rifsber

» 3 msk. vatn

» 2 msk. rifsberjahlaup

» 3 dl kjúklingasoð (vatn og 1/2 Knorr-teningur)

» 1 pakki rauðvínssósa (t.d. Knorr eða Toro)

» 1 stk. kúrbítur (zucchini), grænn

» 12 stk. vorlaukar

» 6 msk. sykur

» 1 dl rauðvínsedik

» 2 msk. smjör

» 1 tsk. timian

» Meðlæti

» 12-16 stk. kartöflur, smáar

Fyrir 4

Aðferð

Steikið lambakótiletturnar á báðum hliðum í heitri olíu í 3-4 mín., bragðbætið með salti og pipar. Haldið heitum í 150°C heitum ofni.

Sjóðið vorlaukinn í léttsöltu vatni í 3 mínútur.

Blandið saman sykri, vatni og rifsberjum og sjóðið þar til sykurinn er orðinn að karamellu. Bætið þá rauðvínsediki saman við ásamt kjúklingasoði og rifsberjahlaupi og síðan rauðvínssósuduftinu. Blandið síðan smjöri og timian saman við og sjóðið í 2-3 mínútur. Skerið kúrbítinn í teninga og sjóðið með, ásamt vorlauknum, síðustu 2-3 mínúturnar.

Borið fram með soðnum eða sykurbrúnuðum kartöflum. Reiknið með 3-4 stk. á hvern fullorðinn.