Lambafilet með krækiberjasósu og rauðkáli

Hráefni

» 800 g lambafilet, í 200 g steikum

» 3 msk. olía

» Rauðkál í krækiberjasósu

» 2-3 msk. matarolía

» 2 stk. laukur

» 400-500 g rauðkál, nýtt

» 6-8 dl rauðvín (óáfengt)

» 1 msk. villijurtir í púrtvíni (frá Pottagöldrum)

» 4 stk. lárviðarlauf

» 1 dl krækiberjasaft

» 2 dl kjúklingasoð (vatn og Knorr-teningur)

» 2-3 msk. maizenamjöl eða sósujafnari

» Meðlæti

» 12-16 stk. kartöflur, smáar

Fyrir 4

Aðferð

Brúnið kjötið vel í olíu á pönnu. Kryddið með salti og pipar. Setjið í 200°C heitan ofn í 6 mínútur, takið út úr ofninum, látið standa í 3 mín. og setjið aftur inn í aðrar 3 mínútur. Berið fram með rauðkáli og krækiberjasósu.

Skerið laukinn í sneiðar og rauðkálið í strimla. Steikið í olíu í 12 mínútur. Bætið þá kryddjurtum og öllum vökvanum saman við og sjóðið við vægan hita í 8-10 mínútur. Þykkið með sósujafnaranum og sjóðið áfram í 2-3 mín. Setjið sósuna og kálið á miðja diska, skerið hverja steik í fjóra bita og raðið snyrtilega niður.

Berið fram með soðnum kartöflum.