Lambafilet með hvítlaukssveppasósu

Hráefni

» 800 g lambafilet (í fjórum 200 g steikum)

» 3 msk. matarolía til steikingar

» salt og pipar

» Hvítlaukssveppasósa

» 1 stk. laukur

» 6 stk. hvítlauksrif

» 200 g ferskir sveppir

» 3 msk. matarolía

» 4 dl kjúklingasoð

» 2 tsk. villijurtakrydd (frá Pottagöldrum)

» 1 dl hvítvín, óáfengt

» 4 msk. steinselja, fersk

» 2-3 msk. smjör

» 2 msk. maizenamjöl eða sósujafnari

» salt og pipar

» Meðlæti

» 12-16 stk. kartöflur, smáar

Fyrir 4

Aðferð

Snöggsteikið lambafilet á vel heitri pönnu, bragðbætið með salti og pipar. Stingið í 200°C heitan ofn í 6 mínútur, takið úr ofninum og hvílið steikurnar í 3 mín. Setjið aftur í ofninn í aðrar 3 mínútur. Skerið horn í horn og berið fram með hvítlaukssveppasósu og soðnum kartöflum.

Sneiðið lauk og sveppi, saxið hvítlauk og steinselju. Léttbrúnið lauk ásamt hvítlauk og sveppum. Bætið hvítvíni, kjúklingasoði og jurtakryddi út í og sjóðið í 2-3 mín. Þykkið með sósujafnara, bætið smjöri og steinselju út í.

Berið fram með soðnum kartöflum.