Lambafilet með ólífum og blönduðum sveppum

Hráefni

» 800 g lambafilet í 200 g steikum

» 3 msk. matarolía

» salt og pipar

» Meðlæti og sósa

» 400 g blandaðir sveppir, ferskir

» 200 g ólífur, svartar

» 1 stk. laukur

» 6 stk. hvítlauksrif

» 2 tsk. villijurtakrydd (frá Pottagöldrum)

» 5 dl rjómi

» 1/2 dl soja, sæt

» 2-3 msk. matarolía

» salt og pipar

» Annað meðlæti

» 4 stk. bökunarkartöflur

Fyrir 4

Aðferð

Snöggsteikið lambafilet á vel heitri pönnu, bragðbætið með salti og pipar. Stingið í 200°C heitan ofn í 6 mínútur, takið úr ofninum og hvílið steikurnar í 3 mín. Setjið aftur í ofninn í aðrar 3 mínútur. Skerið til helminga, berið fram með meðlæti og sósu og bökuðum kartöflum.

Sneiðið laukinn, saxið hvítlaukinn. Léttbrúnið í heitri olíu, bætið ólífum og heilum sveppum á pönnuna. Steikið í 1-2 mín., bætið þá kryddi, rjóma og sojasósu saman við. Sjóðið í 3-4 mínútur.

Bakið kartöflurnar við 180-200°C í 45-60 mínútur (eftir stærð).