Svínahnakki með kóríander

Hráefni

» 800 g svínahnakkasneiðar, beinlausar (fjórar jafn stórar)

» 3 msk. matarolía til steikingar

» salt og pipar

» Kóríandersósa

» 3 msk. matarolía

» 200 g sveppir

» 200 g sykurbaunir

» 2 stk. hvítlaufssalat (endívur)

» 8 stk. vorlaukur

» 3 dl súrsæt sósa (t.d. La Choy Sweet and Sour)

» 2 msk. kóríanderlauf

» 2 dl kjúklingasoð (vatn og

» 1/2 Knorr-teningur)

» 4 msk. hjartahnetur (cashewhnetur)

» Meðlæti

» 200-250 g hrísgrjón

Fyrir 4

Aðferð

Steikið svínahnakkasneiðarnar á pönnu í 8 mínútur, snúið af og til. Bragðbætið með salti og pipar. Setjið á miðja diska og berið fram með kóríandersósu og soðnum hrísgrjónum.

Sjóðið vorlaukana í léttsöltu vatni í 2-3 mínútur. Skerið sveppi í teninga, sykurbaunir og hvítlaufssalat í strimla. Hitið olíuna og steikið grænmetið í olíunni. Bætið súrsætu sósunni saman við og síðan söxuðum kóríanderlaufum, hjartahnetum og kjúklingasoði. Sjóðið áfram í 1-2 mínútur.

Soðin hrísgrjón henta vel með þessum rétti, sjóðið skv. leiðbeiningum á pakka.