Svínalundir með hnetu- og graskerssósu

Hráefni

» 800 g svínalundir, skornar í 12 steikur

» 4-5 msk. matarolía til steikingar

» salt og pipar

» Hnetu- og graskerssósa

» 4 msk. furuhnetur

» 4 msk. möndlur, hýðislausar

» 4 msk. hjartahnetur (cashewhnetur)

» 4 msk. graskersfræ

» 200 g sykurbaunir

» 6 msk. rúsínur

» 100 g smjör

» 1/2 dl sojasósa, sæt

» 2 dl kjúklingasoð (vatn og

» 1/2 Knorr-teningur)

» 3 msk. matarolía

» Meðlæti

» 4 stk. bökunarkartöflur

Fyrir 4

Aðferð

Steikið kjötið í heitri olíu í 4-5 mínútur. Snúið af og til, bragðbætið með salti og pipar. Setjið þrjár steikur á hvern disk og hellið hnetu- og graskerssósunni yfir.

Hitið olíu á pönnu og setjið í hana furuhnetur, möndlur, hjartahnetur, graskersfræ, sykurbaunir og rúsínur. Allt léttbrúnað. Bætið smjörinu á pönnuna og þegar það hefur bráðnað er sojasósu og kjúklingasoði hellt saman við. Soðið í 1-2 mínútur.

Gott að bera bakaðar kartöflur fram með þessum óvenjulega rétti. Bakið þær við 180-200°C í 45-60 mínútur eftir stærð.

Himnan fjarlægð af lundinni, sem síðan er skorin í hæfilega þykkar steikur (2-3 cm).