Svínahnakki með estragonsoðsósu

Hráefni

» 800 g svínahnakki (fjórar sneiðar)

» 3 msk. matarolía

» salt og pipar

» Estragonsoðsósa

» 300 g kartöflur, hráar

» 2 stk. gulrætur, stórar

» 1 bakki smámaís (100 g)

» 100 g strengjabaunir

» 1 stk. rauðlaukur

» 4 stk. hvítlauksrif

» 3 msk. estragon, ferskt (eða

» 1 msk. þurrkað)

» 2 msk. sítrónusafi

» 4 dl kjúklingasoð (vatn og

» 1 Knorr-teningur)

» 2-3 msk. maizenamjöl eða sósujafnari

» 3-4 msk. matarolía

Fyrir 4

Aðferð

Brúnið steikurnar í heitri olíu, kryddið með salti og pipar. Stingið inn í 200°C heitan ofn í 8-10 mín. Leggið síðan ofan á grænmetið.

Flysjið kartöflurnar og skerið í teninga. Brúnið síðan í heitri olíu, kryddið með salti og pipar. Skerið gulrætur, smámaís, strengjabaunir og rauðlauk í sneiðar, saxið hvítlaukinn. Bætið grænmetinu saman við kartöflurnar og brúnið á pönnu. Hellið síðan sítrónusafa, kjúklingasoði og estragonlaufum yfir, þykkið með maizenamjöli eða sósujafnara og sjóðið áfram í 2-3 mínútur.

Gróft brauð er borið fram með þessum rétti.