Steikt svínarif í rauðvíns- og beikonsósu

Hráefni

» 6 stk. svínarif, 800-1000 g alls, skorin í tvennt

» 3-4 msk. matarolía til steikingar

» salt og pipar

» Rauðvíns- og beikonsósa

» 100-150 g beikonstrimlar

» 100 g kartöflur

» 1-2 stk. laukur

» 6 stk. hvítlauksrif

» 200 g sveppir

» 150 g skinkustrimlar

» 1 tsk. timian

» 1 tsk. oregano

» 3-4 dl rauðvín, óáfengt

» 50-100 g smjör

» 1-2 msk. matarolía

» salt og pipar

Fyrir 4

Aðferð

Brúnið svínarifin í heitri olíu á pönnu, kryddið með salti og pipar. Stingið í 220°C heitan ofn í 15-18 mín. Leggið síðan ofan á sósuna og meðlætið þegar borið er fram.

Sneiðið hráar kartöflurnar, óflysjaðar. Skerið lauk og sveppi í sneiðar, saxið hvítlaukinn. Hitið olíuna, brúnið beikonið og síðan annað grænmeti, hvítlaukinn og skinkustrimlana. Steikið allt í 3-4 mínútur, bætið þá kryddinu saman við ásamt rauðvíni. Sjóðið áfram í 6-9 mínútur, þá er smjörið sett saman við. Bragðgætið með salti og pipar ef þurfa þykir.

Borið fram með soðnum kartöflum, grófu brauði eða fersku salati.