Ungnauta entrecôte í pestósósu

Hráefni

» 800 g ungnauta entrecôte (fjórar 200 g steikur)

» 3 msk. matarolía til steikingar

» salt og pipar

» Pestósósa með furuhnetum

» 4 msk. pestómauk, grænt

» 1 dl hvítvín, óáfengt

» 2 dl kjúklingasoð (vatn og Knorr-teningur)

» 200 g sykurbaunir

» 8 msk. furuhnetur

» 2-3 stk. tómatar

» 2 dl rjómi

» salt og pipar

» 80 g parmesanostur, heill

» Meðlæti

» 200 g pasta

Fyrir 4

Aðferð

Steikið kjötið í heitri olíu í 6-8 mínútur, snúið af og til, bragðbætið með salti og pipar. Setjið á miðja diska, leggið meðlætið yfir og þunnar sneiðar af parmesanosti þar yfir.

Brúnið furuhneturnar á heitri, þurri pönnu. Setjið pestómauk, hvítvín, kjúklingsoð og sykurbaunir í pott og sjóðið við vægan hita í 2 mínútur. Bætið furuhnetum og rjóma saman við, sjóðið í aðrar tvær mínútur. Sneiðið tómatana og setjið sneiðarnar í sósuna rétt áður en rétturinn er borinn fram.

Sjóðið pasta skv. leiðbeiningum á pakka.