Ungnautainnralæri með hvítlaukssveppum

Hráefni

» 800 g ungnautasteik úr innralæri

» 1 dl ostrusojasósa

» 3 msk. matarolía til steikingar

» Hvítlaukssveppir

» 400 g blandaðir sveppir, ferskir

» 10 stk. hvítlauksrif

» 3 msk. matarolía til steikingar

» salt og pipar

» Hvítlaukssósa

» 4-5 stk. hvítlauksrif

» 3 stk. eggjarauður

» 1 dl vatn

» 100-150 g smjör, bráðið

» 4 msk. steinselja, söxuð

» 1 dl rjómi, þeyttur

» salt og pipar

» Meðlæti

» 12-16 litlar kartöflur

Fyrir 4

Aðferð

Skerið kjötið í 1 cm þykkar sneiðar. Veltið upp úr ostrusojasósunni og látið standa í 1 klst. Steikið í heitri olíu í 3-4 mínútur, skiptið á diska.

Saxið hvítlaukinn. Steikið í heitri olíu ásamt blönduðum sveppum, bragðbætið með salti og pipar, leggið yfir steikurnar.

Saxið eða pressið hvítlauksrifin. Pískið yfir hita ásamt eggjarauðum, vatni og steinselju þar til eggjarauðurnar fara að þykkna og verða froðukenndar. Bætið þá smjörinu saman við og þeyttum rjóma. Bragðbætið enn með salti og pipar ef vill. Hellið yfir kjötið og sveppina.

Berið fram með soðnum kartöflum. Reiknið með 3-4 litlum kartöflum á mann.