Entrecôte með rauðkáli og gráðaosti

Hráefni

» 800 g ungnauta-entrecôte (fjórar 200 g steikur)

» 100 g gráðaostur (lítið stykki)

» 3 msk. matarolía til steikingar

» salt og pipar

» Rauðkál í rauðvínssósu

» 1-2 msk. matarolía

» 100 g beikonstrimlar

» 200 g rauðkál, ferskt

» 2 stk. rauðlaukur

» 2 stk. lárviðarlauf

» 1 tsk. timian

» 4 dl rauðvín, óáfengt

» 1 bréf rauðvínssósa (Knorr eða Toro)

» Meðlæti

» 4 stk. bökunarkartöflur

Fyrir 4

Aðferð

Steikið kjötið í 5-6 mínútur. Bragðbætið með salti og pipar. Skerið gráðaostinn í bita og leggið á steikurnar. Setjið undir ofngrillið og brúnið ostinn. Berið fram með rauðvínssoðnu rauðkáli og bökuðum kartöflum.

Skerið rauðkál í strimla, saxið rauðlaukinn.

Snöggsteikið beikonstrimlana í heitri olíu, bætið grænmetinu út í og steikið í 3-4 mín. Bætið kryddi, rauðvíni og sósudufti saman við, sjóðið við vægan hita í 4-5 mínútur. Setjið á miðjan diskinn og leggið svo kjötið ofan á.

Bakaðar kartöflur henta prýðilega með þessum rétti. Bakið þær í ofni við 180-200°C í 45-60 mínútur (eftir stærð).