Kjúklingabringur með spínatfyllingu

Hráefni

» 4 stk. kjúklingabringur, beinlausar

» 3 msk. matarolía til steikingar

» salt og pipar

» Spínatfylling

» 100-150 g spínat

» 1 stk. kjúklingabringa, hamflett

» 1 stk. eggjahvíta

» 1 dl rjómi

» salt og pipar

» Sósa og meðlæti

» 200 g sveppir, litlir

» 200 g spínat

» 2 stk. laukar

» 2 dl hvítvín, óáfengt

» 1 peli rjómi

» 1 stk. kjúklingateningur (Knorr)

» 2 msk. maizenamjöl eða sósujafnari

» 3 msk. matarolía

Fyrir 4

Aðferð

Skerið djúpar raufar í hliðarnar á bringunum, svo hægt sé að fylla þær. Setjið spínatfyllinguna í, brúnið síðan bringurnar í heitri olíu, bragðbætið með salti og pipar, leggið í eldfast form og ofnsteikið við 200°C í 20 mín. Skerið hverja bringu í tvennt þegar borið er fram.

Skerið kjúklingabringuna í bita og setjið í matvinnsluvél ásamt eggjahvítu. Maukið, bætið rjóma saman við og síðan spínati, salti og pipar. Setjið í bringurnar og lokið.

Saxið laukinn, skerið stærstu sveppina í tvennt. Léttbrúnið laukinn í olíunni, bætið sveppunum á pönnuna og síðan spínatinu. Steikið áfram í 1-2 mínútur. Þá er hvítvíni, rjóma og kjúklingakrafti bætt á pönnuna, suðan látin koma upp og sósan þykkt með sósujafnaranum ef þarf.

Gróft brauð hentar ágætlega með þessum rétti.