Kjúklingabringur með spergilkálsfyllingu

Hráefni

» 4 stk. kjúklingabringur, beinlausar

» 3 msk. matarolía til steikingar

» salt og pipar

» Spergilkálsfylling

» 1 stk. kjúklingabringa, hamflett og beinlaus

» 1 stk. eggjahvíta

» 1 dl rjómi

» 50 g spergilkál

» salt og pipar

» Estragonsósa með spergilkáli

» 200 g spergilkál

» 2 stk. laukur

» 2 tsk. estragon

» 1 dl hvítvín, óáfengt

» 4 dl kjúklingasoð

» 1-2 msk. sósujafnari

» 3 msk. matarolía

» salt og pipar

» Meðlæti

» 100-150 g pasta

Fyrir 4

Aðferð

Skerið djúpar raufar í hliðarnar á bringunum, svo hægt sé að fylla þær. Setjið fyllinguna í, brúnið bringurnar í heitri olíu, bragðbætið með salti og pipar. Leggið í eldfast form og ofnsteikið við 200°C í 18-20 mín. Skerið hverja bringu í 3-4 sneiðar við framreiðslu.

Skerið kjúklingabringuna í bita og maukið síðan í matvinnsluvél ásamt eggjahvítunni. Bætið rjóma saman við, bragðbætið með salti og pipar. Þá er spergilkálið sett út í og blandað saman við fyllinguna - en aðeins grófmaukað. Setjið í bringurnar og lokið, t.d. með tannstönglum.

Saxið laukinn og léttsteikið í olíunni. Skerið spergilkálið smátt og bætið á pönnuna með hvítvíni, kryddi og kjúklingasoði. Látið suðuna koma upp og sjóðið í 1-2 mínútur, jafnið með sósujafnaranum. Skiptið á diska og leggið kjúklingabringurnar ofan á.

Sjóðið pasta skv. leiðbeiningum á pakka.