Austrænt með ostakremi og súkkulaði

Hráefni

» 8-10 stk. döðlur

» 6-8 stk. gráfíkjur

» 4-6 msk. rúsínur

» 6 msk. möndluflögur

» 3-4 msk. sykur

» 2-3 msk. smjör

» Mascarponekrem

» 500 g Mascarponeostur

» 2-3 msk. flórsykur

» 1-2 tsk. kaffiduft (instant)

» 2 dl rjómi

» 1 dl mjólk

» 1-2 tsk. vanilludropar

» Súkkulaðiskraut

» 100 g súkkulíki

» smjörpappír

Fyrir 4 - 6

Aðferð

Léttbrúnið smjörið á pönnu. Fjarlægið steina úr döðlum og sneiðið fíkjurnar. Brúnið svo döðlur og fíkjur á pönnu með rúsínum, möndlum og sykri. Kælið, en losið aðeins um svo að blandan verði ekki að einum klumpi.

Setjið ost, flórsykur, kaffiduft, rjóma, mjólk og vanilludropa í matvinnsluvél og maukið vel. Setjið svo saman við blönduna af döðlum, fíkjum, rúsínum og möndlum. Setjið í litlar skálar eða eina stóra, eftir smekk. Kælið í 3-4 tíma.

Bræðið súkkulíkið í vatnsbaði og setjið í sprautupoka. Sprautið á hæfilega stóra smjörpappírsferninga og leggið á hvolf yfir skálina (sbr. mynd). Einnig er hægt að láta súkkulíkið leka af skeið og dreifa yfir smjörpappírinn. Þegar súkkulíkið er orðið stíft er pappírinn dreginn rólega af því.

Með þessu er ljúffengt að bera fram vanilluís.

Sprautið súkkulíkinu á smjörpappír (má nota skeið).

Leggið á hvolf ofan á ábætisskálina og flettið af.