Ganache-krem í súkkulaðineti

Hráefni

» Ganache-krem

» 250 g suðusúkkulaði

» 1 peli rjómi

» 100 g smjör, ósaltað

» Súkkulaðinet

» 100 g súkkulíki

» smjörpappír

» Jarðarberjasósa

» 200-250 g jarðarber (fersk)

» 1 dl appelsínusafi

» 4 tsk. flórsykur

Fyrir 4

Aðferð

Bræðið saman í potti suðusúkkulaði, rjóma og ósaltað smjör. Má ekki sjóða. Látið standa í kæli í a.m.k. 12 klst. og þeytið kremið svo í hrærivél. Gætið þess að hraðinn sé ekki of mikill og þeytið þar til kremið verður rjómakennt (ekki of lengi).

Setjið kremið síðan með skeið ofan á súkkulaðinetið. Leggið smjörpappírinn saman og látið kólna. Takið smjörpappírinn varlega utan af og skiptið á eftirréttadiska.

Bræðið súkkulíkið í vatnsbaði, setjið í sprautupoka og sprautið þunnt á hæfilega stóra smjörpappírsferninga (10x20 cm). Rúllið þeim upp, svo súkkulíkið stirðni í sveig eða boga.

Setjið fersk jarðarber, appelsínusafa og flórsykur í matvinnsluvél. Hellið síðan varlega í kringum ganache-kremið í netinu.

Gætið þess að súkkulíkisnetið sé ekki of þunnt. Kælið vel áður en pappírinn er fjarlægður.

Sprautið súkkulíkinu á smjörpappír (má einnig nota skeið).

Setjið eina skeið af kreminu á miðja pappírsræmuna.

Endarnir lagðir saman. Kælt og síðan flett af.