Blandaður ís með berjasósu

Hráefni

» 4 kúlur jarðarberjaís

» 4 kúlur myntuís

» 4 kúlur vanilluís

» Súkkulaðiskraut

» 200-300 g súkkulíki

» smjörpappír (4 stk. 15x15 cm)

» Jarðarberjasósa

» 200 g jarðarber (fersk)

» 1 dl appelsínusafi

» 2-3 msk. sykur

» Bláberja- og jarðarberjasósa

» 200 g jarðarber, fersk

» 100 g bláber, fersk eða frosin

» 2 msk. sítrónusafi

» 3-4 msk. sykur

Fyrir 4

Aðferð

Bræðið súkkulíkið við vægan hita og sprautið því óreglulega á smjörpappír úr kramarhúsi eða hellið úr skeið. (Einnig má nota sprautupoka). Passið að súkkulíkið sé ekki of þunnt á pappírnum, þannig er minni hætta á að það brotni þegar smjöpappírinn er tekinn af.

Raðið þremur tegundum af ís í kúlum hlið við hlið á smjörpappírinn, ofan á súkkulíkið, og leggið síðan smjörpappírinn saman þannig að súkkulíkið myndi eins konar net utan um kúlurnar. Látið súkkulíkið stífna vel áður en pappírinn er tekinn utan af.

Berið fram á eftirréttadiskum og setjið sósurnar í kring.

Setjið fersk jarðarber, appelsínusafa og 2-3 msk. sykur í matvinnsluvél og maukið. Setjið svo í kringum ísinn.

Setjið fersk jarðarber, bláber, sítrónusafa og sykur í matvinnsluvél og maukið. Setjið ásamt jarðarberjasósunni í kringum ísinn.

Þennan rétt verður að útbúa rétt áður en hann er borinn fram.

Sprautið súkkulíkinu á smjörpappírinn.

Setjið ískúlur á miðjan pappírinn.

Leggið endana saman. Kælið áður en pappírnum er flett af.