Rauðvínsmarineruð berjablanda

Hráefni

» 1 askja hindber

» 1 askja jarðarber

» 1 askja rifsber

» Rauðvínsmarinering

» 4 dl rauðvín, óáfengt

» 2-3 msk. púðursykur

» 8 stk. jarðarber

» 8 stk. hindber

» Súkkulaðinet

» 100-150 g súkkulíki

» smjörpappír (4 stk. 10x15 cm)

Fyrir 4 - 6

Aðferð

Byrjið á því að taka rifsberin af stilkunum og skola þau vel ásamt hinum berjunum. Setjið í skál.

Setjið rauðvín, púðursykur, jarðarber og hindber í matvinnsluvél og maukið vel þar til sykurinn hefur leyst upp. Hellið yfir berin og látið liggja í skálinni í 1-2 klst. í kæli áður en þau eru borin fram. Setjið ber og safa í glös eða ábætisskálar.

Súkkulíki sprautað eða hellt úr skeið á smjörpappírinn sem síðan er lagður utanum glasið eða skálina. Látið súkkulíkið stífna vel á glasinu áður en pappírinn er fjarlægður.

Þessi réttur fer einkar vel í kampavínsglösum, rauðvínsglösum, hvítvínsglösum eða háum eftirréttaskálum.

Sprautið súkkulíkinu á pappírinn.

Vefjið þéttingsfast utan um glasið. Kælið.

Dragið pappírinn varlega af.