Ber með sabayon og berjasósum

Hráefni

» 1 askja jarðarber, fersk

» 1 askja hindber, fersk

» 1 askja blæjuber, fersk

» 1 askja rifsber, fersk

» 4 rifsberjastilkar til skrauts (teknir úr öskjunni)

» Sabayonsósa

» 4 stk. eggjarauður

» 3 dl eplacider

» 2 msk. sykur

» 1 dl rjómi, létt þeyttur

» Jarðarberjasósa

» 200 g jarðarber, fersk eða fryst

» 2 msk. sítrónusafi

» 100 g sykur

» 1 tsk. vanilludropar

» Bláberjasósa

» 200 g bláber, fersk eða fryst

» 1-2 msk. sítrónusafi

» 100 g sykur

Fyrir 6 - 8

Aðferð

Skiptið berjunum í skálar eða djúpa diska. Hellið sósunni í kringum berjaklasana, sabayonsósuna neðst og síðan hinar ofan á. Leggið rifsberjastilk til skrauts efst á hvern disk.

Pískið saman í potti eggjarauður, sykur og eplacider. Þegar sósan er orðin vel freyðandi (eftir um 2 mín.) er létt þeytta rjómanum bætt saman við með sleif.

Allt sett yfir til suðu og soðið 2-3 mín. Setjið síðan í matvinnsluvél og maukið eða pískið vel saman. Kælið.

Allt sett yfir til suðu og soðið 2-3 mín. Setjið síðan í matvinnsluvél og maukið eða pískið vel saman. Kælið.

Hægt að búa til allar tegundir af berjasósum með þessum hlutföllum.