Skelfisk- og dillterta

Hráefni

» 400 g hörpuskelfiskur

» 400 g rækjur

» Sítrónuvatn

» 1/2 l vatn

» 1 tsk. salt

» safi úr 1 sítrónu

» Fylling

» 400 g rjómaostur

» 100 g sýrður rjómi, 11%

» 1 pottur/búnt dill, ferskt

» 9 tsk. matarlímsduft, sléttfullar

» 1 peli rjómi, léttþeyttur

Fyrir 12 - 14

Aðferð

Hreinsið sinar af hörpuskelfisknum og sjóðið hann í 1-2 mínútur í léttsöltu sítrónuvatni.

Blandið rjómaosti, sýrðum rjóma og dilli saman, maukið í matvinnsluvél. Setjið síðan í pott og látið suðuna koma upp. Blandið matarlímsduftinu saman við með pískara.

Velgið rækjurnar með því að blanda þeim saman við hörpuskelfiskinn í soðinu, sigtið soðið síðan frá og blandið skelfiskinum saman við rjómaostblönduna. Léttþeytið rjómann og blandið saman við blönduna með sleif.

Setjið í skálar sem hafa verið penslaðar að innan með olíu, kælið í 6-8 klst. Losið úr formunum með því að setja þau í heitt vatnsbað. Skerið í sneiðar.