Kálfasteik m/steiktri pólentu, blómkáls- og spínatmauki og léttsýrðu grænmeti

Hráefni

» Kálfasteik

» 800 g hreinsaður kálfavöðvi

» ólífuolía til steikingar

» 1 -2 msk. smjör

» 2 stk. hvítlauksgeirar

» 4 greinar timian

» Pólenta

» 100 g pólenta

» 2 msk. fínt rifinn parmesan

» salt

» hvítur pipar

» 1/2 rif pressaður hvítlaukur

» ólífuolía til steikingar

» Blómkáls- og spínatmauk

» 100 g blómkál

» 15 g smjör

» 150 ml rjómi

» 15 blöð spínat

» salt

» Léttsýrt grænmeti

» 50 g blómkál

» 50 g brokkolí

» 50 g gulrætur

» 50 ml ólífuolía extra virgin

» 1/2 skallottlaukur fínt skorinn

» 1 msk. sherry edik

» 1 msk. fínt skorin ítölsk steinselja

Fyrir 4

Aðferð

Kálfasteik Brúnið vöðvann upp úr heitri ólífuolíunni, setjið svo smjörið, timianið og hvítlaukinn á pönnuna, ausið smjörinu yfir steikina. Setjið allt saman í eldfast mót og bakið í 150 gráðu heitum ofni í ca. 10 mínútur. Pólenta Eldið pólentu eftir leiðbeiningum á pakka, bætið parmesanostinum og hvítlauknum út í og smakkið til með salti og pipar. Setjið í bakka og kælið og setjið farg yfir. Skerið út og steikið á pönnu upp úr ólífuolíu. Blómkáls- og spínatmauk Blómkál soðið í rjóma þar til það er mjúkt í gegn. Hreinsið spínatið og maukið allt saman og bragðið til með salti. Léttsýrt grænmeti Grænmeti skorið smátt niður steikt í 1/4 af ólífuolíunni. Síðan er afganginum af ólífuolíunni og hinu hráefninu blandað út í með grænmetinu, smakkað til með salti og hvítum pipar.