Beikon kartöflustappa

Hráefni

» 8-10 stk. bökunarkartöflur, bakaðar á 200°C þar til þær eru klárar ca. 50 mín. skornar í tvennt og skafið innan úr.

» 80 g beikon, saxað frekar fínt

» 6 stk. skalottlaukar fínt saxaðir

» 2 tsk. Fínt saxað tímjan

» 80 g Smjör

» 110 ml rjómi

» nýmulinn hvítur pipar og salt

Aðferð

Á meðan kartöflurnar eru bakaðar steikið þá beikonið á góðum hita fyrst og bætið svo lauknum og tímjaninu og steikið saman þar til laukurinn er orðinn glær. Þegar kartöflurnar eru tilbúnar er skafið innan úr þeim og þær stappaðar með smjörinu, rjómanum hrært saman við og síðan beikoninu og lauknum. Kryddið með salti og nýmuldum hvítum pipar.