Pörusteik

Hráefni

» 1 1/2 kg mögur svínasíða (pörusteik)

» Maldon sjávarsalt og pipar

» 1/2 ltr. kryddsoð

» 1 msk. sojasósa

» 1 1/2 msk. hveiti

» 10 g smjör

» Kryddsoð

» 1 stk. laukur

» 1 stk. gulrót

» 1 l vatn

» 100 ml ólífuolía

» 10 kóríander fræ

» 5 piparkorn

» 2 stk. negull

» 1 lárviðarlauf

Fyrir 5 - 6

Aðferð

Skerið með 1/2 cm millibili í steikina og leggið í ofnfast fat eða pott með fitunni niður, látið vatn yfir og sjóðið í 20 mín. setjið svo steikina á rist. Nuddið svo Maldon sjávarsalti á steikina og kryddið með pipar. Eldið í ofni við 220°C í 20 mín, lækkið svo niður í 180°C, bætið í kryddsoði og sojasósu. Bakið áfram í 1 1/2 tíma, oft er gott að setja grillið í botn á lokamínútunum. Hellið soðinu af, fleytið af mesta fitu og þykkið með smjörinu og hveitinu (sem hefur verið hrært saman í potti). Framreiðið með heimalöguðu rauðkáli og kartöflum. Kryddsoð Grænmetið er léttsteikt, vatni er bætt í, látið sjóða í 1 klst. og sigtað fyrir notkun.

Þessi uppskrift er notuð í Heimalagað rauðkál

Meðlæti