Lambalæri soola masala m/pilau hrísgrjónum og korma sósu

Hagkaup | mbl | 19. maí

Hráefni: » 1 stk. lambalæri; » 2 msk. olía; » 2 msk. smjör; » 10 stk. kardimommur; » 1 msk. korianderfræ; » 1 tsk. svartur pipar; » 1 msk. fennelfræ; » 1 stk. laukur; » 6 rif hvítlaukur; » 150 g koriander; » 1 tsk. salt; » 150 g jógúrt; » Salt og pipar

Fyrir 6 - 8

Aðferð

Hitið olíuna í potti og steikið kardimommurnar, korianderfræin, svarta piparinn og fennelfræin upp úr olíunni. Bætið smjörinu út í ásamt söxuðum lauknum og hvítlauknum og steikið áfram. Slökkvið undir pottinum, bætið koriandernum og saltinu út í og kælið. Maukið í matvinnsluvél ásamt jógúrtinu. Snyrtið lambalærið, kryddið með salti og pipar og steikið lærið á pönnu. Setjið soola masala maukið á lærið og eldið inni í ofni á 150°c í 70 mín.

Þessi uppskrift er notuð í Korma sósa Pilau hrísgrjón,

Meðlæti

Korma sósa

Hráefni: » 200 g kashewhnetur; » 300 ml vatn; » 2 msk. smjör; » 1 stk. lárviðarlauf; » 2 stk. kardimommur; » 50 g jógúrt hrein; » 1 tsk. salt; » safi úr 1/2 sítrónu

Aðferð

Leggið kashewhneturnar í bleyti í vatninu í 10 mín. og sjóðið þær svo í 25 mín. Maukið þær í matvinnsluvél. Bræðið smjörið í potti ásamt lárviðarlaufinu og kardimommunum. Bætið kashewhnetumaukinu út í og sjóðið í 5 mín. Hrærið jógúrtið saman við og sjóðið í 6 mín. til viðbótar. Bragðbætið með salti og sítrónusafa.

Pilau hrísgrjón

Hráefni: » 40 g smjör; » 10 stk. stjörnuanis; » 2 stk. kardimommur; » 1 stk. kanilstöng; » 1 stk. lárviðarlauf; » 400 g basmati hrísgrjón; » 8 dl vatn; » Salt

Aðferð

Bræðið smjörið í potti, bætið kryddunum út í og steikið í 3 mín. Bætið hrísgrjónum út í og blandið vel saman við kryddjurtirnar. Hellið loks vatninu út í og sjóðið hrísgrjónin í 15 mín. Kryddið með salti.

Slóð á uppskrift: http://mbl.is/smartland/matur/u/480/