Grafin rjúpa með bláberja vinaigrette

Hráefni

» 4 rjúpubringur, úrbeinaðar

» 1 dl gróft sjávarsalt

» 1/2 dl púðursykur

» 1-2 mtsk. ferskt timjan

» 1 mtsk. ferskt rósmarin

» 4-5 lauf fersk salvía söxuð smátt

» 3-4 einiber, brotin í morteli

» Svartur pipar úr kvörn

» Skvetta af portvíni og koníaki ef vill

» Bláberja vinaigrette

» 2 dl jómfrúarólífuolía

» 1/2-1 dl balsamik edik eða gott rauðvínsedik

» Örlítið salt úr kvörn

» 1 askja bláber

Fyrir 4

Aðferð

Skolið bringurnar og þerrið. Leggið á gott fat. Blandið saman sykri og salti. Þekið vel yfir bringurnar báðum megin. Blandið saman öllum kryddunum og þekið jafnt yfir bringurnar. Í lokin skvettið smá portvíni og/eða koníaki yfir bringurnar. Þekið með plasti og látið standa í kæli, helst yfir nótt. Bláberja vinaigrette Hrærið olíuna og edikið létt saman. Skerið bláberin í bita og setjið í sósuna. Hrærið varlega saman og smakkið til. Bætið í olíu eða ediki eins og ykkur þykir. Sneiðið rjúpubringurnar í mjög þunnar sneiðar og raðið á disk. Setjið gott salat í miðjuna (helst rucola) og hellið bláberja vinaigrettuna jafnt yfit kjötið og salatið. Skreytið með fersku timjan.