Saltfiskur í 6-lauka sósu

Hráefni

» 800 g saltfiskur, útvatnaður

» 70 g vorlaukur

» 70 g laukur

» 70 g rauðlaukur

» 70 g blaðlaukur

» 70 g hvítlaukur

» 70 g perlulaukur

» 1 dl hvítvín

» 1 dl fiskisoð

» 180 g kalt smjör

Aðferð

Afhýðið lauk, rauðlauk og hvítlauk. Skerið vorlauk í grófa bita, lauk, rauðlauk og blaðlauk í strimla, og hvítlauk í sneiðar. Athugið að saltfiskur sem á að steikja þarf að vera betur útvatnaður en saltfiskur sem á að sjóða. Steikið útvötnuð saltfiskstykki í 2–3 mín. á hvorri hlið, steikingartíminn fer eftir þykkt. Haldið fiskinum heitum á meðan þið útbúið sósuna. Steikið allar lauktegundirnar í smjöri á pönnu og bætið síðan hvítvíni og fiskisoði út í. Sjóðið við vægan hita þangað til laukurinn er orðinn meir. Jafnið sósuna með köldu smjöri þegar rétturinn er borin fram.