Heitkryddað túnfisksalat

Hráefni

» 800 g túnfiskur, nýr eða frosinn

» 1 stk. rauðlaukur

» 2 stk. lime-blöð (kaffír)

» 1 stk. rautt chilialdin

» 1/2 búnt kóríander

» 4 stönglar minta

» 20 blöð sæt tælensk basilíka

» 1 búnt vorlaukur

» 1 haus blaðkál (pak choi)

» 2 stk. stórir mangó ávextir

» 1 stk. stór agúrka

» 1 dl sæt chilisósa

» 1 stk. lime, safinn

» 1 dl sesamolía

» 1 msk. hvítlauksolía

» 1 tsk. grænmetiskraftur

» pipar

Aðferð

Skerið túnfisk í jafna litla teninga og setjið í skál. Afhýðið og fínsaxið rauðlauk, saxið lime- blöð, chili, kóríander, mintu og basilíku og setjið í skálina með túnfiskinum. Sneiðið vorlauka og blaðkál og bætið saman við. Afhýðið mangó ávöxt og agúrku, skerið í teninga og bætið í skálina. Hellið því næst chilisósu, lime safa og sesam- og hvítlauksolíu yfir. Blandið vel saman og kryddið með grænmetiskrafti og pipar.