„Tom yum“-núðlur með rækjum

Hráefni

» 16 stk. risarækjur

» 1 pakki spínateggjanúðlur

» 1 búnt vorlaukur

» 1 stk. rauðlaukur

» 1 stk. hvítlauksgeiri

» 3 stk. tómatar

» 2 msk. ólífuolía

» 2 msk. „tom yum“ kryddmauk

» salt og pipar

» 200 ml kókosmjólk

» 1 stk. nori-blað

» 150 g kasjúhnetur

Aðferð

Sjóðið núðlurnar samkvæmt leið-beiningum á umbúðunum. Saxið vorlaukana. Afhýðið rauðlauk og hvítlauk og skerið laukinn smátt ásamt tómötum. Steikið lauk og tómata í olíu á pönnu. Bætið risarækjum á pönnuna ásamt „tom yum“-maukinu og pressið hvítlaukinn yfir. Kryddið með salti og pipar. Hellið kókosmjólk á pönnuna og sjóðið í um 2 mín. Blandið soðnu núðlunum saman við ásamt söxuðum vorlauk. Klippið nori-blaðið í ræmur og ristið með kasjúhnetum á þurri pönnu. Stráið þessu síðan yfir núðlurnar. þennan rétt er gott að bera fram með austurlensku rækjukexi sem hefur verið djúpsteikt í olíu.