Laxa-canneloni

Hráefni

» 1 stk. lítið laxaflak

» 3 stk. hvítlauksgeirar

» 3 msk. ólífuolía

» 4 dl vatn

» salt

» 12 stk. ferskar lasagne-plötur

» 500 g ricotta- eða mascarponeostur

» 300 g gorgonzolaostur

» 1 poki spínat

» 1 búnt basilíka

» 1 dós „pomadori“ tómatar

» nýmalaður pipar

» múskat grænmetiskraftur

Aðferð

Skerið laxinn í 16 álíka stóra bita. Afhýðið hvítlaukinn og pressið. Búið til hvítlauksolíu með því að blanda saman pressuðum hvítlauk og ólífuolíu. Setjið vatnið með smá salti yfir til suðu og dýfið lasagne-plötunum einni í einu í sjóðandi vatnið í nokkrar sekúndur. Setjið lasagne-plöturnar á viskastykki og leggið síðan einn laxabita á hverja plötu ásamt ricotta- og gorgonzolaosti, spínati og basilíku. Saxið tómatana og skiptið magninu í tvennt, setjið helminginn á lasagne-plöturnar. Setjið síðan örlítið af hvítlauksolíunni yfir. Rífið smá múskat yfir og piprið. Rúllið lasagne-plötunum upp á lengdina.

Smyrjið eldfast mót með hvítlauksolíu og raðið canneloni-rúllunum í mótið. Setjið restina af tómötunum yfir og ef afgangur er af olíunni er gott að dreifa henni yfir. Stráið að lokum grænmetiskrafti yfir og bakið í ofni við 150°C í 15 mín.