Heitreykt bleikja með graslaukssósu

Hráefni

» 4 stk. bleikjuflök

» grófkorna sjávarsalt

» hvítur pipar úr kvörn

» 4 msk. grófkorna dijon sinnep

» 1 lítið búnt graslaukur

» 2 lúkur „hickory“ reyksag

Aðferð

Við heitreykingu er hægt að nota nokkrar aðferðir. Ein væri að setja bleikjuna á grind á litlu viðarkolagrilli, sem má vera gamalt og úrsérgengið, og reykja í því. þá er saginu dreift um grillið, undir það sem á að reykja og kveikt í. þegar farið er að rjúka vel úr saginu er lok sett yfir bleikjuna, eða álpappír. þannig reykist bleikjan við um 50°C gráður. þetta tekur um 20 mín. en tíminn fer annars eftir því hvers konar áhald er notað við reykinguna.

Önnur aðferð er að nota gamalt stálfat og grind og breiða álpappír yfir. Einnig er í lagi að nota gamlan pott eða pönnu og setja þá net eða grind yfir. Athugið að ílátið verður varla til annarar notkunar í framtíðinni. þetta er ekta sumarbústaðarmatreiðsla. Roð- og beinhreinsið bleikjuflökin. Skerið flökin í tvennt, saltið létt og piprið. Smyrjið sinnepi yfir. Saxið niður graslauk og stráið honum yfir bleikjuna. Látið standa í um 1 klst. Reykið bleikjuna eins og lýst er hér að ofan. Kælið bleikjuflökin þegar þau eru hæfilega reyksoðin. Berið fram með stökku salati sem hefur verið snúið upp úr ólífuolíu og smáslettu af góðu balsamediki og örlitlu salti.

Þessi uppskrift er notuð í Graslaukssósa

Meðlæti