Eggjakaka með saltfisk og skalottlauk

Hráefni

» 3 stk. egg

» sporður af soðnum eða steiktum saltfiski

» 1–2 stk. skalottlaukar

» 1–2 msk. ólífuolía

» 1 lítð búnt rúkóla salat

» „trufflu“-ilmuð ólífuolía t.d. frá Monte Vibiano

» sjávarsalt

» hvítur pipar úr kvörn

Aðferð

Sláið út egg og þeytið vel. Myljið soðinn eða steiktan saltfisk í bita. Afhýðið og hakkið skalottlauka og steikið í olíu á pönnu við vægan hita, þar til þeir verða mjúkir og gullinbrúnir. Takið laukinn af pönnunni og setjið saman við saltfiskinn. Bætið smá olíu til viðbótar á pönnuna sem laukurinn var steiktur á og aukið hitann. Hellið eggjahrærunni á pönnuna. Hristið pönnuna aðeins fram og aftur án þess að eggin slitni í sundur. þegar eggin hafa bakast aðeins við jaðrana, látið þá saltfisk með lauk ofan á. Farið með skörpum en samt mjúkum spaða meðfram köntunum og brettið upp á eggin og fyllinguna í áttina frá ykkur. Rúllið eggjunum svona saman utan um fyllinguna, eins og hægt er, þannig að eggjakakan snúist og óeldað i hlutinn sé alltaf við botninn. þegar eggjakökurúllan er bökuð á öllum hliðum, en samt mjúk innan í þá er hún tilbúin. Hvolfið eggjakökunni á disk. Látið smá rúkóla salat á diskinn og hellið yfir það og eggin dreitli af Monte Vibiano „trufflu“-olíu. Saltið með góðu fyrsta flokks sjávarsalti og stráið nýmöluðum hvítum pipar yfir.