Ansjósumauk

Hráefni

» 75 g ansjósur

» 4 stk. egg

» 3 msk. smjör

» 1 msk. ferskt kóríander

» 3 dl mjólk

» salt og pipar

Aðferð

Harðsjóðið egg, kælið þau og takið rauðurnar úr. Hvítan er ekki notuð í uppskriftinni. Leggið ansjósurnar í mjólk í um 30 mín. til þess að losna við hluta saltsins. Hafið smjörið við stofuhita og saxið ferskan kóríander. Takið ansjósurnar úr mjólkinni, þerrið, setjið í matvinnsluvél og maukið vel. Bætið eggjarauðum út í, síðan smjöri og að lokum kryddjurtum. Kryddið með salti og pipar.

Polenta

Hráefni

» 7,5 dl kjúklingasoð

» 250 g polentamjöl

» 100 g parmesanostur

» 100 g smjör

» 100 g sýrður rjómi

» salt og pipar

Aðferð

Hitið kjúklingasoðið. Bætið polentamjöli út í og hrærið vel í um eina mín. Takið þá pottinn af hitanum og bætið smjöri, parmesanosti og sýrðum rjóma út í. Kryddið með salti og pipar. Klæðið bökunarplötu með smjörpappír og hellið innihaldi pottsins á plötuna. Fletjið út í um 2 cm þykkt. Skerið polentuna í hæfilega stóra bita fyrir það sem á að nota hana í og steikið á báðum hliðum í smjöri á pönnu, þar til hún er gullinbrún.