Kræklingur í hvítvínssmjörsósu

Hráefni

» 24 stk. stór kræklingur

» 20 g laukur

» 20 g gulrót

» 20 g paprika

» 20 g blaðlaukur

» 1/2 dl fiskisoð

» 1 dl hvítvín

» 1 dl rjómi

» salt

» 100 g smjör við stofuhita

» 2 bollar soðin hrísgrjón

» steinselja

Aðferð

Afhýðið lauk og skerið í strimla ásamt gulrót, papriku og blaðlauk. Athugið að þið getið notað annað grænmeti, t.d. það sem þið eigið í ísskápnum. Sjóðið kræklinginn í saltvatni þangað til hann opnast. Takið fiskinn þá úr skeljunum og fjarlægið sinar og skegg. Hreinsið skeljarnar og grófsaxið fiskinn.

Steikið grænmetið í olíu á pönnu, án þess að brúna það. Bætið fiskinum saman við og steikið aðeins áður en þið bætið fiskisoði og hvítvíni á pönnuna. Sjóðið aðeins niður og bætið síðan rjóma á pönnuna og sjóðið við hægan hita þar til rjóminn þykknar. Saltið og takið pönnuna af hitanum. Blandið mjúku smjöri saman við. Raðið skeljunum ofan á heit hrísgrjón og berið réttinn fram í skeljunum. Saxið steinselju og stráið henni yfir