Kryddleginn risahörpudiskur

Hráefni

» 24 stk. risahörpudiskur

» 1 stk. lime

» 2 dl kryddolía af fetaosti

» 1 tsk. karrímauk, milt

» maldon salt

» pipar

» 2 msk. rósapipar

» 1/2 búnt dill

» 1 stk. blaðkál (pak choi)

» 1 stk. blaðlaukur

» 1 stk. gul paprika

» 2 msk. ólífuolía

» 2 msk. sesamolía

» 1 msk. sesamfræ

Aðferð

Rífið börkinn af lime og kreistið safann. Leggið hörpudisk í kryddolíu af fetaosti. Bætið karrímauki saman við, ásamt lime-berki og -safa, salti og pipar. Myljið rósapiparinn gróft og hrærið saman við. Saxið dill og stráið yfir. Látið liggja í kæli í nokkrar klst. Hreinsið og skerið niður blaðkál, blað-lauk og papriku og létt steikið í olíu á pönnu. Setjið á disk. Ristið hörpudisk í sesamolíu á vel heitri pönnu, t.d. grillpönnu, örstutta stund á báðum hliðum. Leggið hörpudiskinn yfir grænmetið og stráið sesamfræjum yfir. Hellið því sem eftir var af kryddolíu yfir.