Humarragú

Hráefni

» 20 stk. humarhalar

» 3 stk. hvítlauksgeirar

» 50 g smjör

» 50 g hveiti

» 3 dl rjómi

» 2 msk. koníak (má sleppa)

» 1 tsk. túrmerik

» 1/2 tsk. saffran

» 1 tsk. grænmetiskraftur frá Hugli

» salt og pipar

» 1 búnt dill

» tartalettur eða smjördeigsskeljar (ef vill)

Aðferð

Afhýðið hvítlauksgeirana og saxið smátt. Skelflettið humarhalana og steikið stutta stund í smjöri á pönnu með hvítlauk. Takið humarinn af pönnunni, hann á ekki að vera gegnum steiktur, og leggið til hliðar. Setjið hveiti á pönnuna og búið til smjörbollu með því að hræra hveitinu saman við smjörið á pönnunni. Hellið rjóma og koníaki á pönnuna og hrærið vel í þar til suðan kemur upp. Bætið túrmerik og saffrani saman við ásamt grænmetiskrafti. Kryddið með pipar og sjóðið stutta stund. Setjið humarinn út í sósuna, saltið ef með þarf, og saxið dillið yfir. Gott er bera ragúið fram í tartalettum eða smjördeigsskeljum sem eru hitaðar í ofni og síðan fylltar með ragúinu.