Blandaður skelfiskur

Hráefni

» 1 kg kræklingur

» 12 stk. risarækjur

» 12 stk. risahörpudiskur

» 130 g niðursoðinn kúfiskur

» 250 g svört hrísgrjón

» 1 stk. rauðlaukur

» 2 stk. hvítlauksgeirar

» 1 stk. rauð paprika

» 1 stk. blaðlaukur

» 1 stk. fenníka

» 1 cm engiferrót

» 2–3 msk. olía

» 1/2 búnt kóríander

» 1 msk. grænmetiskraftur

» salt og pipar

Aðferð

Sjóðið hrísgrjónin samkvæmt leið-beiningum á umbúðunum og kælið síðan. Afhýðið rauðlauk og hvítlauk. Skerið rauðlauk, papriku, blaðlauk og fenníku gróft. Pressið hvítlauk og rífið engiferrótina. Setjið saman við grænmetið og leggið til hliðar. Sjóðið kræklinginn í vatni þar til skeljarnar opnast. Sjá leiðbeiningar um hreinsun á kræklingi á bls. 172. Steikið rækjur, hörpudisk og grænmeti upp úr olíu á wok pönnu og saxið kóríander yfir. Bætið hrísgrjónum á pönnuna og blandið öllu saman. Kryddið með grænmetiskrafti, salti og pipar. Hellið vatninu af kræklingnum og blandið honum saman við það sem er á pönnunni. Setjið kúskeljar á pönnuna og látið allt ná hita.