Hvítvínsdampaður kræklingur með fenníku, lauk og dilli

Hráefni

» 900 g kræklingur

» 1/2 stk. fenníka

» 2 stk. skalottlaukar

» 3–5 stk. hvítlauksgeirar

» 2 msk. smjör

» 1 dl hvítvín

» 1 búnt dill

» 1 dl rjómi

Aðferð

Hreinsið kræklinginn. Skerið fenníku í litla teninga. Afhýðið skalottlauk og hvítlauk og saxið smátt. Bræðið smjörið í víðum stórum potti. Látið fenníku og lauk út í pottinn og létt steikið við miðlungshita. Hækkið hitann og látið kræklinginn út í pottinn. Hrærið kræklingnum snöggt saman við fenníkuna og laukinn. Hellið hvítvíni og rjóma út í og grófrífið dillið yfir. Setjið lok á pottinn og látið kræklinginn dampast undir loki í um 4–5 mín. eða þar til allar skeljarnar hafa opnað sig. Skiptið skeljunum og súpunni jafnt á fjóra djúpa diska.