Humarveisla

Hráefni

» 1 kg humarhalar

» 1 stk. sítróna, safinn

» 1 búnt steinselja

» 3–5 stk. hvítlauksgeirar

» 2 tsk. dijon sinnep

» 120 g smjör

» gróft sjávarsalt

» hvítur pipar úr kvörn

Aðferð

Kljúfið humarhalana langsum og fjarlægið görnina sem liggur eftir miðjum halanum, undir rennandi vatni. þerrið humarhalana og raðið í ofnskúffu. Kreistið safann úr sítrónunni og saxið steinseljuna. Afhýðið hvítlauk og látið hann ásamt steinselju, sítrónusafa, dijon sinnepi og mjúku smjöri í matvinnsluvél. Látið vélina ganga þar til allt er vel blandað. Saltið og piprið eftir smekk. Smyrjið hvítlaukssmjörinu á humarhalana. Bakið við hæsta hita eða setjið undir grill í 7–10 mín., eða þar til að smjörið er vel bráðið og farið að krauma og humarinn eldaður. Berið grillaða humarinn fram í „haug“ ofan á rúkólasalati og látið íslenska grænmetissölsu, sem uppskrift er af hér fyrir neðan, jafnt yfir. þetta er tilvalinn partímatur.

Þessi uppskrift er notuð í Íslensk grænmetissalsa

Meðlæti